Понедельник, 09 ноября 2020 17:51

Нұр-Сұлтанда тазы мен төбет орталығы ашылады

БУРАБАЙ АУДАНЫ. ҚазАқпарат - Еліміздің бас қаласында тазы мен төбет орталығы ашылады. Бұл туралы «Қансонар» республикалық қауымдастығының басқарма төрағасы Оралбай Әбдікәрімов мәлім етті, деп хабарлайды ҚазАқпарат тілшісі.

«Бүгінде Қазақстанда тазының таза түрі аз. Көбісінің басқа тұқыммен байланысы бар. 1958 жылы елімізде тазы ғылыми түрде зерттеліп, оның стандарты бекітілді. Қазір сол стандартқа сай еліміз бойынша тазыларды тіркеп жатырмыз. Қазіргі уақытта Қазақстанда 1 500-дей тіркелген тазы бар. Онда тазының атауы, қай жерден және жас мөлшері секілді барлық мәліметтер көрсетілген. Ал төбеттер аз, себебі ол басқа ит түрімен будандастырылып өзіндік қасиетін жоғалтып алды. Негізі біздің төбет әлемдегі салмағы 100 келіден асатын ірі 10 иттің қатарына енеді», - деді О. Әбдікәрімов.

Оның айтуынша, елімізде тазы мен төбеттің санын көбейтіп қана қоймай, оның тұқымдық тазалығын сақтау керек.

«Қазіргі уақытта ҚР Ауыл шаруашылығы министрлігі және ҚР Экология, геология және табиғи ресурстар министрліктермен бірлесіп елордадағы қазақ агротехникалық университетінің жанынан тазы мен төбен орталығын ашуды жоспарлаудамыз. Қаржы уақытында бөлінсе, орталықты келесі жылы ашатын боламыз. Жалпы біз тазыны иттің басқа түрімен будандастырып араластырмай, таза ұстауды үйренуіміз керек», - дейді ол.

Айта кетейік, бұған дейін елімізде итбегілік өнердің ресми түрде тіркелетіні туралы хабарлаған болатынбыз.

Источник: lenta.inform.kz

Прочитано 650 раз
Оцените материал
(0 голосов)

footerlogo

 

«Информационно-развлекательный интернет-ресурс об охоте, рыбалке и активном туризме». Наши контакты +77010317229 (Whatsapp), mail@qansonar.com.
© 2021 Сайт Кансонар. Все права защищены. Разработка - Веб студия "IT.KZ"

Яндекс.Метрика