Вторник, 14 мая 2019 11:27

«Охотзоопром «ӨБ» РМҚК инспекторлары Қарағанды облысында киік аңының төлдеу орындарында бұрын істі болған үш азаматты ұстады

06.05.2019жылы «Охотзоопром «ӨБ» РМҚК-ның Қызылорда филиалының жедел топ инспекторлары  кезекті рейдтік іс-шаралар жүргізу барысында Қарағанды облысы Ұлытау ауданының Қоскөл ауылынан оңтүстік батысқа қарай шамамен 80 шақырымдай жердегі Итауыз деп аталатын далалық жерде киік аңының төлдеу орындарында қара түсті Ланд Крузер 105 маркалы автокөлікті байқаған, мемлекеттік тіркеу номері жоқ автокөліктегі күдіктілер қашып құтылуға әрекеттену барысында киікке ұқсас 2 туша жануардың өлі денесін лақтырып үлгерген.

«Охотзоопром «ӨБ» РМҚК-ның ҚӨФ жедел топ инспекторлары  Орталық өңірлік филиал инспекторларымен бірлесіп, қашып құтылмақ болған автокөлікті тоқтатады, автокөлік ішінде Қызылорда қаласының үш бірдей азаматы  болған. Автокөлікті тексеру барысында 1 дана қолара, 1 дана 12 калибрлі қара түсті аңшы мылтығы және 11 дана патрон табылған.

Аталған оқиға орнына Ұлытау аудандық полиция бөлімінен жедел тергеу топ шақыртылып, қылмыстық оқиғаға қатысты ұсталған үш азаматтың жеке басын анықтау барысында олардың бұрын киік аңын атып алып, сотты болғаны анықталды.

Аталған дерек Ұлытау АПБ-де 06.05.2019 жылғы СДТБТ  тіркеліп, ұсталған тұлғаларға қатысты  ҚР ҚК-нің 337 бабы 4 бөлігінің 2 және 4 тармақтарымен  қылмыстық іс қозғалып, тергеу амалдары жүргізілуде.   

oDRdsxcAspQ

lHzQF0Y7nGs

Прочитано 388 раз
Оцените материал
(1 Голосовать)

footerlogo

 

«Информационно-развлекательный интернет-ресурс об охоте, рыбалке и активном туризме». Наши контакты +77010317229 (Whatsapp), mail@qansonar.com.
© 2019 Сайт Кансонар. Все права защищены. Разработка - Веб студия "IT.KZ"

Яндекс.Метрика