Среда, 25 сентября 2019 17:17

Қарақастек шатқалында елік атқан екі адам ұсталды

"Жамбыл және Қарасай аудандарының табиғат қорғау инспекторлары жергілікті табиғат қорғау органдарымен бірлесіп өткізген іс-шара барысында Жамбыл ауданының аумағында елікті заңсыз атып алған екі азамат ұсталды", деп хабарлайды Zakon.kz Алматы облысы ПД баспасөз қызметіне сілтеме жасап.

Полиция таратқан ақпаратқа сәйкес, 24 қыркүйекте Қарақастек шатқалының маңында жол талғамайтын Тойота автокөлігінен атып алуға рұқсат етілген құжаттары жоқ аңның еті табылды. Көлік иесі 39 жастағы Алматы қаласының тұрғыны заңсыз елік атып алғанын мойындады. Сондай-ақ, автокөліктен тиісті құжаттары бар ойық ұңғылы және тегіс ұңғылы екі мылтық табылды. Аң еті мен мылтықтар тәркіленді.

"Аталған дерек бойынша ҚР Қылмыстық кодексінің 337-бабына сәйкес сотқа дейінгі тергеу амалдары жүргізіліп жатыр. Еліктің еті сараптамаға жіберілді. Қазіргі уақытта мемлекетке келтірілген материалдық шығын есептелуде",- деп атап өтті Алматы облысы ПД Табиғат қорғау инспекторы полиция капитаны Бағлан Рымжанов.

"2019 жылы Алматы облысының тәртіп сақшылары табиғат қорғау заңнамасының талаптарын бұзудың 861 дерегін анықтады. Оның 341 дерегі бойынша қылмыстық іс қозғалып, жауапты тұлғалардың жауапкершілігі қаралды", - деп атап өтті ведомствоның баспасөз қызметі.

Прочитано 116 раз
Оцените материал
(0 голосов)

footerlogo

 

«Информационно-развлекательный интернет-ресурс об охоте, рыбалке и активном туризме». Наши контакты +77010317229 (Whatsapp), mail@qansonar.com.
© 2019 Сайт Кансонар. Все права защищены. Разработка - Веб студия "IT.KZ"

Яндекс.Метрика