Алматы облысының Ескелді ауданында «Сонар-2017» халықаралық құсбегілер жарысы басталды.

Ол Қазақстан Республикасы мемлекеттік рәміздерінің 25 жылдығы мен Алматы облысындағы «Жалайыр Шора» бүркітшілер мектебінің 30 жылдығына арналды. м

«Қансонарда бүркітші шығады аңға, тастан түлкі табылар аңдығанға» деп Абай ақын жырлағандай, міне Жетісу жерінде қансонардың қызығы енді-енді басталып жатқан жайы бар.
«Сонар-2017» халықаралық құсбегілер жарысына біздің елімізбен қатар көршілес Қырғызстан, Қытай мен Моңғолиядан да бүркітшілер келіп отыр.